பெண்

சிவாஜியின் அங்கவை சங்கவை ஒரு எழுத்தாளனின் வெற்றியை குறிக்கிறது

2008-01-09T16:28:00.000-08:00

என்ன் இது எல்லோரும் திட்டும் விஷயம் எப்படி ஒருவனின் வெற்றியாயிற்று. ஆம் முரண்பாட்டை பட்டென்று சொல்லும் வெற்றி.

ஒரு தமிழ் பெண் எப்படி இருக்க வேண்டுமாம்?

ஒரு அழகான பெண் என்று சொல்லப் படும் உயரம் மற்றும் அளவான அங்க அமைப்புக ளோடு, வெள்ளையான, களையான முகத்தோடு இருக்க வேண்டும்.

தாவணி அணிந்து (அல்லது புடவை அணிந்து - கலாசார உடை அடையாளம்), குனிந்த தலை நிமிராமல் ( பின்னால் சுற்றும் ஜொள்கள் அறியாமல்) கோவிலுக்குச் சென்று ( அடக்கத்தின் அடையாளம்), வீட்டில் கூட அந்த அடையாளம் மாறாமல் ( சவுகரியம் கருதி Nighty எல்லாம் அணியாமல்), பாடத் தெரிந்து, ஆடத் தெரிந்து(கர்நாடக இசை. தமிழ்க் கலையோ Rap -ஓ அல்ல) பின் வேலைக்கும் போகத் தெரிந்து(புடவை அணிந்து) இப்படியாக இருத்தல் வேண்டும்.
நாயகனாகிய இளைஞன் (?) வந்து காதல் விண்ணப்பம் செய்யும் போது கண்டதும் காதல் என்று பின்னால் போய்விடாமல் ( ஆறுதலான விஷயம் தான்) ஆனால் கறுப்பு என்ற காரணத்தால் மறுத்து விடாமல் கறுப்புத் தான் எனக்குப் பிடித்த கலரு என்று ஏற்றுக் கொள்ள வேண்டும்.

அதே இளைஞன் தமிழ் பெண்ணை விரும்பும் இளைஞன் அந்த தமிழ் பெண் சிவாஜி படத்தில் வருவது போல் ஒரு கடைக் கோடி கிராமத்துப் பெண்ணை நினைவுறுத்தும் விதமாக, உயரம் மற்றும் அங்க அமைப்புகள் மேற்கூறிய விதத்தில் பொருந்தாமல் இருந்தால் அவள் எல்லாம் தான் திருமணம் செய்யும் தகுதிக்கு உரியவள் அல்ல (Chudidhar அணிந்து வந்தாலும்) என்பது மட்டும் அல்ல அந்த திசைக்கே ஒரு கும்பிடு என்று சொல்லும் முரண்பாட்டை துணிந்து சொல்லிய வெற்றி.

இந்த செய்தியை தமிழ் நாட்டின் சூப்பர் ஸ்டார் ரஜினி யை வைத்து, பிரம்மாண்ட இயக்குநர் ஷங்கரை வைத்து, சின்னக் கலைவாணர் விவேக்கை வைத்து, தமிழ் நெஞ்சங்களில் ஒரு நல்ல பட்டிமன்ற பேச்சாளர் என்ற பெயர் எடுத்த சாலமன் பாப்பையா வைத்து ,

அழகுக் கதாநாயகியின் எதிர் வீட்டிலேயே குடி வைத்து நாயகனை அங்கே பழக விட்டு இங்கே பெண் எடுக்க வைத்த துணிச்சல்.

ஒவ்வொரு தமிழனின் கயையும் வைத்து அவன் கண்ணைக் குத்திய துணிச்சல்.

ஒரு தமிழ் பெண்ணை அடையாளம் காட்ட வெளி மாநில வெள்ளைப் பெண்ணை வைத்து சொல்லத் தலைப் பட்ட இயக்குநரின் வியாபார மோகத்தையும் ( காவிரி ஆறு பாட்டில் தமிழ் கிராமங்களை சொல்லத் தலைப்பட்ட இயக்குநர் அதை மலையாள நயனை வைத்தது - அவர் உடுத்தியிருக்கும் உடை தமிழ் நாட்டில் எங்கு போடுகிறார்கள், பின் தமிழ் பெண் நாயகி பாடல்களில் மட்டும் Hollywood பெண் ஆகி விடும் வியாபார தந்திரம்),

தான் ஒரு கறுப்பழகன் என்று வெள்ளை நாயகிகள் கொண்டு பல படங்களில் சொல்லத் தலைப்பட்ட ரஜினியின் மோகம்,
தமிழ் தமிழ் என்று கூவும் நாம் தமிழ் அல்லாத கதாநாயகிகளையே இங்கு பெறுவாரியாக ஆதரிக்கும் விருந்தோம்பலையும்
நகைச்சுவை காட்சிக்குள் வைத்து சொல்லிய துணிச்சல்.

ராதிகாவையும், த்ரிஷாவையும் வெள்ளை அடித்தே தான் நாம் பார்த்து வருகிறோம்.
வெளிநட்டுப் பெண்கள் வாழ்க்கை முறை பார்த்து வெலெ வெலத்து தமிழ் நாட்டில் வந்து பெண் எடுக்கும் நம் இளைஞர்கள் அந்த 'இரு' பெண்கள் போல் இருப்பவர்களை யா விரும்பி திருமணம் செய்கிறார்கள்? இல்லை, இங்கேயே வாழும் நாம் தான் நம் பிள்ளைகளுக்கு அப்படி திருமணம் செய்கிறோமா?

தமிழ் பெயர் நல்லா தான் இருக்கு. ஆனால் தமிழ் செல்வி என்ற பெயர் ரொம்ப பழமையா இல்லை. அங்கவை சங்கவை எல்லாம் ரொம்ப பழசா இருக்கே என்று நினக்கும் நம் தமிழ் நெஞ்சங்களை ஒரு குத்து குத்தி இருக்கும் துணிச்சல்.

கிடைத்த இடைவெளியில் தன் 'நச்' சிறு கதையை எழுதி விட்ட கதாசிரியரின் துணிச்சல்.

இது தமிழ் நாட்டின் முரண்பாட்டை வெளிப்படுத்தும் துணிச்சல்.

கதாசிரியரை, சாலமன் பாப்பையாவை திட்டுவது விடுத்து, உண்மை என்ன வென்று பார்க்க வேண்டும்.

கறுப்புக் காத நாயகர்கள் எங்கிருந்து வந்தாலும் நம் பக்கத்து விட்டு பிள்ளை போல் இருப்பதாக ஏற்கும் நாம் நம் நாயகிகள் மட்டும் வெள்ளை பொம்மை போலிருக்க வேண்டும் என்று நினைப்பதை நிறுத்த வேண்டும்.
திருமணத்திற்குப் பெண் எடுக்கும் போது பெண் நிறம் குறைவாக இருந்தால் பொருளாதாரம்
கொண்டு சமன் படுத்தி விட்டால் சரி என்று நினைப்பதை விட்டு விட வேண்டும்.

இன்னொன்று கூட செய்யலாம். நிற மாற்றம் செய்யாமல் நம் தமிழ் பெண்களை படங்களில் நாயகிகள் ஆகக் காட்ட துணிந்தால் வரி குறைப்பு செய்யப் படும் என்று ஊக்கம் கூடக் கொடுக்கலாம்.

கனி மொழி கொஞ்சம் அப்பா கிட்ட சொல்லிடுங்க.

இணையதளத்தில் ஜாதி மத துஷ்பிரயோகங்கள், வன்முறை தூண்டுதல் செய்தால் அது Cyber Crime-ன் கீழ் வருமா?

2008-01-09T09:42:00.000-08:00

நான் இணையதளத்தை ஒரு Technology Informative Center ஆகவே பார்த்து வந்திருக்கிறேன்.

மிகவும் சமிப காலமாகத் தான் நான் இணையதளத்தில் ஒரு பொதுவான informative தேடல்களுக்கு உபியோகப் படுத்தத் துவங்கினேன். அப்போது தான் தமிழ் வலைப்பதிவுலகம் எனக்கு அறிமுகமாகியது. முதலில் என் கண்களுக்கு வெகு சுவாரசியமான விஷயங்களும், மிகவும் பயனுள்ள விஷயங்களுமே தென்பட்டன. சந்தோஷம் தாங்கவில்லை. இத்தனை நாள் இங்கு வராமல் போய்விட்டோமே என்று என்னை கடிந்து கொண்டேன். பத்திரிக்கைகளில் அதிகம் இடம் பெரும் கவர்சிகரமான விஷயங்கள் போல் அல்லாமல் எவ்வளவு நல்ல விஷயங்கள் எல்லாம் பகிர்ந்து கொள்கிறார்கள் என்று ஆச்சரியப் பட்டேன்.

நானும் ஒரு வலைப்பதிவு துவங்கினேன்.

ஆனால் என் மகிஷ்ச்சி அதிக நாள் நீடிக்க வில்லை.
ீ
இங்கு தணிக்கை முறை இல்லை என்பதால் ஜாதி, மத, இன வேறுபாடுகள் ஊக்குவிக்கப் படுவதும், அது சார்ந்த வன்முறை தூண்டு கோல்கள் இடம் பெறுவதும், ஒரு விஷயத்தை முன் வைக்கும் போது அதற்கு உரிய அதாரங்களை விட தனி மனித கணிப்புகளே மேலோங்கி நிற்பதும் என்னை அதிர்ச்சி கொள்ளச் செய்கிறது.

நாம் படித்தவர்கள் செய்யும் காரியமா செய்து கொண்டிருக்கிறோம் என்று எண்ணச் செய்கிறது.

ஆக்க பூர்வ சிந்தனைகள் ஊக்குவிக்கப் படுவதை விட காழ் ப் புணர்ச்சிகள் சில இடங்களில் மேலோங்கி இருக்கிறது.

இந்த நிலை தமிழில் மட்டு மல்ல நிறைய groups என்கிற சிறு சிறு குழுக்கள் சேர்ந்து மொழி தாண்டி நடை பெறுகிறது என்றும் தோன்றுகிறது.

நாம் இந்தியர்கள் என்கிற அடிப்படையை அசைத்துப் பார்க்கும் இந்த விஷயங்கள் இணையதள குற்றங்களின் கீழ் வருமா வராதா என்று எனக்குப் புரியவில்லை. இது வரை இல்லை என்றால் இனி யோசிக்க வேண்டும்.

அல்லது இந்திய ஒற்றுமை கேள்விக்கூரியதாக ஆவதில் இணையதளம் முக்கிய பங்கு வகிக்கக் கூடும்

உங்கள் கருத்துக்களைப் பகிர்ந்து கொள்ளுங்கள்.

கர்நாடக இசைக்கு மார்கழி என்றால் தமிழிசைக்கு சித்திரையைக் கொடுத்து விடுவோமே

2008-01-09T09:00:00.000-08:00

மார்கழி மாதம் தெய்வ வழிபாட்டுக்கு மிகவும் உகந்ததாக கருதப் படுவதால் சபாக்களில் பாட்டுக் கச்சேரிகள் அம்ர்க்களப் படுகின்றன.
அங்கே கர்நாடக இசையே முக்கிய பங்கு வகிக்கிறது.
மொழி சமஸ்கிருதம் என்றாலும், தெலுங்கென்றாலும், தமிழ் என்றாலும் இசை கர்நாடக இசை தான் அங்கே இடம் பெறுகிறது.

தமிழிசையை ஊக்குவிக்க என்று ஒரு மாதத்தை ஒதுக்கிவிட்டால் என்ன?
தமிழ் வருடத்தின் முதல் மாதமான சித்திரையில் தமிழ் இசையை ஊக்குவிக்கும் பொருட்டு சபாக்களில் அல்லது வேறு இடங்களில் தமிழ் இசையில் உருவான பாடல்கள், கிராமியப் பாடல்கள், நாட்டுப் புறப் பாடல்கள், நாட்டுப் புறக் கலைகள், நாட்டிய நாடகங்கள் என்று ஏற்பாடு செய்யலாமே.

நலிந்து கொண்டு இருக்கும் கலைகளும் தழைக்குமே.

உங்கள் கருத்துக்களை வரவேற்கிறேன்.

எது ஆணாதிக்கம்-உங்கள் கருத்துக்களை வரவேற்கிறேன்

2008-01-08T14:44:00.000-08:00

ஆணாதிக்கம் எது என்று ,

பெண்கள் கருதுகிறார்கள்?
ஆண்கள் கருதுகிறார்கள்?

உங்கள் கருத்துக்களை வரவேற்கிறேன்.

எனது ஆண் பெண் பற்றிய சிந்தனை

ஆண் பெண் வெற்றி தோல்வி என்ற தலைப்பில் இங்கு நான் ஏற்கனவே எழுதியது.

முகம் சிவந்து கண் கலங்கி தலை தாழ்த்தும்
பெண்ணிடம் ஆண் தோற்றுப் போகிறான்
பெண்ணின் அடக்கம் ஆணின் வெற்றியாக உணரப்படுவதால்

கோபம் கொண்டு குரல் உயர்த்திப் பேசும்
பெண் ஆணிடம் தோற்றுப் போகிறாள்
பெண்ணின் எதிர்ப்பு ஆணின் தோல்வியாக உணரப்படுவதால்.

வன்முறையை எதிர்த்து ஒரு வோட்டு வேட்டை

2008-01-08T10:29:00.001-08:00

வன்முறை என்னும் செயலை அல்லது அதனை தூண்டும் செயலை யார் செய்தாலும் அந்த செயலை கண்டிப்போம்
என்ற கருத்தை உடையவர்கள் இங்கு ஒரு பின்னூட்டம் இட்டுச் செல்லவும்.

கண்டிப்போம் என்று ஒற்றை சொல்லும் எழுதலாம் அல்லது வன்முறைக்கு எதிரான வார்த்தைகளை வன்முறை இல்லாமல் தெரிவிக்கலாம்.

செவ்வாய் தோஷத்தை எப்படி வியாபாரம் ஆக்குவது?

2008-01-05T14:06:00.001-08:00

செவ்வாய் தோஷத்தை எப்படி வியாபாரம் ஆக்குவது?

நம்ம ரா திகா (செல்வி) இடம் கற்றுக் கொள்ளவும்.

வீட்டில் செவ்வாய் தோஷமுள்ள பெண்ணை வைத்துக் கொண்டு மாப்பிள்ளை தேடி ஒரு பக்கம் பெற்றோர் அலைந்து கொண்டிருக்க, பெண் முதிர் கன்னியாகி கவலை கொண்டிருக்க,

அதை வியாபாரமாக்கி பல அத்தியாயங்களும் பெரும் திருப்பங்களுமாக பல வாரங்கள் வெற்றிகரமாக கொண்டு சென்ற செல்வியின் வியாபார உத்திக்கு தனி விருதே கொடுக்கலாம்.
அந்த மாயா பெண்ணுக்கு ஒரு கல்யாணம் ஆகி கணவன் இறந்து விட்டதற்கு காரணம் எல்லாம் சொல்லி, அதனால் தோஷத்தை மறைத்து இன்னொரு கல்யாணம் ஏற்பாடு செய்ய முனைய, விஷயம் தெரிந்த நாயகன் திருமணத்தை தவிர்க்க செய்யும் முயற்சிகள்,
இடை இடையே அந்த பெண்ணை ஒரு பாம்பு மாதிரி வேறு காட்டி

கொடுமையிலும் கொடுமை.

செவ்வாய் தோஷத்தை நம்புவதா வேண்டாமா என்பது ஒரு புறம் இருக்கட்டும்.

செவ்வாய் தோஷம் உள்ளது என்று எந்த ஆணும் பெண்ணும் கவலை கொள்ள வேண்டாம்.
நன்கு படியுங்கள். நல்ல உத்தியோகம் தேடிக் கொள்ளுங்கள். இந்த தோஷ மே உங்களுக்கு ஒரு நல்ல துணையைத் தேடித் தரும் வாய்ப்பாக அமையும்.
எப்படி என்றால்,
இந்த தோஷம் இருப்பவர்கள் அதே தோஷம் உள்ள ஒருவரை திருமணம் செய்ய வேண்டும் என்று சொல்லப் படுவதால்,
options மிகக் குறைவாக இருப்பதால் பெரும்பாலும் திருமணத்திற்கு இடைஞ்சலாக இருக்கும் வரதட்சணை, ஏற்ற தாழ்வுகள் இந்த திருமணங்களில் பார்க்கப் படுவதில்லை. அதனால் நல்ல துணை அமைந்தவர்கள் நிறைய பேர் எனக்குத் தெரியும்.

நான் இறந்து எனக்கு நானே பிறப்பேன்

2008-01-05T13:25:00.000-08:00

இது என்ன உளறல் என்று கேட்கிறீங்களா?

இது செல்வி 'மெகா' தொடரில் வந்த தாய்மை sentiment.

செல்வியின் தம்பி நிரஞ்சனின் மனைவி கற்பமுற்று இருப்பாள்.
கர்பத்தில் இருக்கும் குழந்தை வளர்ந்தால் தாயின் உயிருக்கு ஆபத்து என்ற நிலை.
விஷயத்தை மறைத்து வைத்திருப்பாள் மனைவி. உண்மை தெரிந்தவுடன் கரு கலைக்க கணவன் முயற்சி எடுக்கும் போது அவள் உணர்ச்சி பொங்க கூறும் வசனம் தான் அது.

அந்த பெண்ணின் தாய்மை உணர்வை மதித்தாலும் குழந்தையின் உயிரை தக்க வைக்க சொல்லும் காரணம் அபத்தம். கரு உருவாகி அது பிறக்கும் தறுவாயில் இறக்கப் போகும் அவள் எப்படி அந்த குழந்தையின் உயிராக ஆக முடியும்?

சினிமாவில் முன்னெல்லாம் ஒரு உணர்ச்சி சம்பவம் இறுதிக் காட்சியில் வரும். கதாநாயகன் அல்லது நாயகியின் தாய் அல்லது தந்தை இறக்கும் போது நாயகிக்குப் பிறக்கும் குழந்தை அந்த இறந்த போன தாய் அல்லது தந்தையின் மறு பிறவியாகக் கொண்டு ஒரு sentiment வசனம் வரும்.

கரு உருவாகி பிறக்கும் வரை உள்ளே இருப்பது உயிர் இல்லாமல் வேறு என்ன வளர்கிறது?
இப்போ ஒரு பிரசவத்திற்கு முன் குறைந்தது 6-7 தடவை scan செய்து வளர்ச்சியை காட்டுகிறார்கள். அது உயிர் இல்லாமல் வேறு என்னவோ?
sentiment காட்சிக்கு இப்படி ஒரு முட்டாள் மூடத்தனத்தை வைக்க வேண்டுமா?

செல்வி தொடரும் மூடத்தனங்களும் என்று ஒரு தலைப்பு வைத்து தனியாக ஒரு பதிவு எழுதும் அளவு அவ்வளவு அபத்தங்கள் அதில் நிறைந்து இருக்கிறது.

மாட்டுக்கு பிடிச்ச கலர் எல்லாம் என்னால போட முடியாது

2008-01-04T20:26:00.000-08:00

இது துப்பட்டா, கலாசாரம் சம்பதப் பட்டது அல்ல.

மாட்டுக்கு பிடிச்ச கலர் எல்லாம் என்னால போட முடியாது.

இது படையப்பா படத்திலே ரம்யா கி ரிஷ்ணன் கூறும் வசனம். எனக்கு அது ஒரு நகைச்சுவை காட்சி போன்று எப்போது நினைத்தாலும் சிரிப்பு வரும்.

படத்தின் மிக முக்கிய திருப்பங்கள் இந்த மாடு, சிவப்பு உடை வைத்தே வரும். க்ளைமாக்ஸ் காட்சியிலும் கூட இடம் பெற்று இருக்கும்.

மாட்டுக்கு சிவப்பு நிறம் கண்களுக்கு புலப்படுமா என்று ஒரு பள்ளி மாணவனிடம் கேட்டால் கூட சொல்லுவான் இல்லை என்று.

ஆம். கால் நடைகளின் கண்கள் சிவப்பு அல்லது பச்சை நிறங்களை பிரித்து பார்க்கும் சக்தி பெறவில்லை.

வேகமாக துணி ஆசையும் அசைவே அதற்கு கோபம் ஏற்படுதுமே அல்லாமல் துணியின் நிறம் காரணம் அல்ல.

ஒரு குளிர் பான விளம்பரத்தில் கூட நம்ம க்ரிகெட் வீரர்கள் கையில் சிவப்பு நிற பானத்தை வைத்து கொண்டு ஓட மாடு துரத்துவது போல் வரும்.

ம்ம்ம்...

சினிமாவும், விளம்பரத்துறையும் முட்டாள்தனங்களையும், மூட நம்பிக்கைகளையும் நன்றாகவே வளர்கின்றன.

கோபம் கொண்டுவிட்ட பலூன் மாமாவிடம் ஒரு கேள்வி

2008-01-03T08:09:00.000-08:00

பதில் சொல்லாமல் தப்பிப்பதற்கு இப்படியும் வழி இருக்கிறது இல்லையா?

உங்கள் ஒவ்வொரு கேள்விக்கும் நான் பதில் எழுதிக் கொண்டிருந்தாலும் விரிவான பதில்களுக்கு முன்னால் இந்த கேள்விகளை உங்கள் முன் வைக்கிறேன்.
அப்படியே சுருக்கமான என் பதிலும்.

ஒரு பெண் தன் விட்டு ஆண் ( தந்தை, சகோதரன், கணவன், மகன் ...)
ஆணா திக்க செயலில் ஈடுபபட்டால் அவனை புறக்கணித்து விடுவாள் என்றால்
நீங்கள் அவளை பாராட்டுவீர்களா?

எது ஆண் ஆதிக்க செயல் என்பது பெண்ணுக்கு பெண் மாறுபடும் என்பதை நினைவில் கொண்டு பதில் கூறவும்.

புறக்கணி ப்பதற்கான காரணங்கள் பெண்ணுக்கு பெண் மாறுபடும்.

காரணங்கள் எதுவாயினும் புறக்கணி ப்பது என்று பெண்கள் முடிவு செய்து விட்டால் உலகம் முழுதும் உள்ள ஆண் பெண்களின் நிலை என்னவாகும்?

ஏன் கேட்கிறேன் என்றால்,

மதங்கள் தானாக உருவாகி விடவில்லை. மனிதர்களே ஒவ்வொரு கால கட்டத்தில் ஒரு காரணம் கொண்டு உருவாக்கினார்கள். அப்படியென்றால் மதக் கட்டுப்பாடுகள் மட்டும் தானாக உருவாகிவிட்டிருக்குமா? அதுவும் மனித செயல் தானே.

மதங்கள் மறுக்கப் பட வேண்டியவை அல்ல
மதங்கள் தூர் வாரப் பட வேண்டியவை.

தூர் வாருவது என்பது கூட்டு முயற்சி
கடினமான து கால தாமதமானது.

புறக்காணிப்பது தனி முயற்சி
எளிதானது சுய நலமானது.

விரிவான பதிவுகள் பின்னால் வரும்.

பார்ப்பன பயம் - தொடர்ச்சி - ஆக்க பூர்வ சிந்தனையுடன்

2008-01-02T13:11:00.001-08:00

புத்தாண்டு ஒரு மறுமலர்ச்சி ஆண்டாக அமையட்டுமே.

தாழ்த்தப்பட்டவன் உயர்வதற்கு இன்னொரு அம்பேத்கர் பிறந்து வர காத்திருக்க் வேண்டுமா என்ன?
இல்லை யாராவது ஒருவர் இரெண்டு பேர் தன் வாழ்வை பணயம் வைத்து பரிட்சார்த்தம் செய்து அவர் குடும்பத்தை தவிக்க விட்டு மற்றவர்க்கு பாடுபட்டால் அவர் போய் சேர்ந்த பின் அவருக்கு விழா எடுத்து, சிலை வைத்து, அவர் பெயர் உருவாக்கும் பாதுகப்புச் சூழலில் ஒளிந்து கொண்டு சுயநல செயல்கள் செய்து
செய்தே ஒரு நூற்றாண்டு கழித்து விட வேண்டுமா என்ன?

ஒவ்வொருவரும் ஏதாவது ஒரு சிறு முயற்சி செய்யலாமே.

முதலில் இந்த ஆன்மீக பாதுகவலர்களிடம் இருந்து துவங்குவோம்.

ஆன்மீகப் பாதுகாவலர்களே,

ராமர் பாலம் சம்பந்தமாக நடக்கும் சர்ச்சையில் .... தலையை கொய்து வந்து தாருங்கள் என்று ... கூறியது மிக மிக கண்டிக்கத் தக்கது.
மத பாதுகாவலர்கள் என்று சொல்லிக் கொண்டு உணர்ச்சி வசப் பட்டு வன்முறையைத் தூண்டும் செயல்களைச் செய்பவர்களே மதத்திற்கு
எதிரானவ ர்கள்.
நாத் திகர்கள் மதங்களை ( எந்த மதம் என்றாலும்) ஒன்றும் செய்து விட முடியாது.

ஆன்மீகம் வாழும் ஏதாவதொரு ரூபத்தில்

உயிர் அணுக்களை சேர்த்து
உயிர் உருவாக்கும் மனிதன்
உயிர் அணுக்களையே உருவாக்க
கற்றுக் கொள்ளாதவரை

உயிர் உருவாக்கிய மனிதன்
அந்த உயிரின் உடல் உறுப்புக்களை
விருப்பம் போல் வைக்க
கற்றுக் கொள்ளாதவரை

உயிர் பிரியும் நிமிடங்களை
நீட்டிக்க கற்ற மனிதன்
உயிர் பிரிவதை தடுக்க
கற்றுக் கொள்ளாத வரை

நேற்றைய நிகழ்வுகளை அனுபவித்து
அறிந்து தெரிந்த மனிதன்
நாளைய நிகழ்வுகளை அறியக்
கற்றுக் கொள்ளாத வரை

ஆன்மீகம் வாழும் ஏதாவதொரு ரூபத்தில்.

ஆதலால் ஆன்மீகத்தின் பெயரில் நடக்கும் அநியாயங்களை நானும் செய்ய மாட்டேன், முடிந்த வரை தடுப்பேன், வன்முறையை தூண்ட மாட்டேன் என்று சொல்லி,

ஒரு மரக் கன்றை நட்டு விடுங்கள். அப்படியே அன்போடு தினமும் மேற்கூறிய
வரிகளை சொல்லி தண்ணீர் ஊற்றி வாருங்கள்.

ஆங்கில பு த்தண்ாடை எல்லாம் கொண்டாட ...
பரவாயில்லை. இதோ பொங்கல் புத்தாண்டு கொண்டிருக்கிறது. பின்னாலேயே தமிழ் புத்தாண்டு வந்து கொண்டிருக்கிறது. இப்போதே மனதளவில் தாயார் ஆகி விட்டால் தமிழ் புத்தாண்டு தொடங்கியதும்நடை முறைப் படுத்தலாம்.

வாழ்க வளமுடன்.

தொடரும்...

பலூன்மாமாவின் மதங்கள் பெண்களுக்கு எதிரானதா என்கிற கேள்விக்கான பதில்

2008-01-02T10:05:00.001-08:00

மதங்கள் பெண்களுக்கு எதிரான அடக்குமறைகள் செய்கிறதா என்பதை பார்ப்பதற்கு முன்,

இன்று பெண் சுதந்திரம் என்பது எப்படி தவறாகப் பிரயோகிக்கப் படுகிறது என்பதைப் பற்றிய எனது கருத்துக்களை நீங்கள் கொஞ்சம் படியுங்கள்.
அதில் சில இதோ,

http://mangaiival.blogspot.com/2007/12/blog-post_20.html
http://mangaiival.blogspot.com/2007/11/2.html
http://mangaiival.blogspot.com/2007/11/1.html
http://mangaiival.blogspot.com/2007/12/blog-post_4734.html

எனக்கு இது மாதிரி எழுதுவதில் முன் அனுபவம் ஏதும் இல்லை. என் முதல் எழுத்து அனுபவமே இந்த வலைப்பதிவில் தான் என்பதால் சுருக்கமாக எழுதும் பக்குவம் இல்லை. கொஞ்சம் நீளமாகவே எனக்கு எழுதத் தெரியும் என்பதால் நான் எழுதிக் கொண்டிருக்கும் இடைவெளியில் நீங்கள் இதனை படித்து வையுங்கள்.

நன்றி.

பார்ப்பன பயம் - தொடர்ச்சி - 6

2007-12-31T14:17:00.000-08:00

சரி புலம்பல்களையும், கேள்விகளையும் (பதில் கிடக்காத அல்லது ஏற்கனவே தெரிந்த) இப் புத்தாண்டு இறுதியில் முடித்துக் கொண்டு ஒரு மருமலர்ச்சிக்கு
தயாராக லாம்.

அடையாளம் காணுதல் என்பதே வெறியா?

நீங்கள் தமிழா? - தமிழ்நாட்டுக்கு வெளியில் ஒரு தமிழன் இன்னொரு தமிழனைப் பார்த்து கேட்பது
சந்தோஷம்.

நீங்கள் இந்தியர் தானே? ஒரு இந்தியன் இன்னொரு இந்தியனைப் பார்த்து நாட்டுக்கு வெளியில் கேட்பது
சந்தோஷம்.

நீங்கள் மதுரையா (அல்லது நெல்லை, கோயம்பததுர்..)? தன் ஊர்க் காரனை அடையாளம் கண்டு விட்ட
சந்தோஷம்.

தன் வழக்குத் தமிழில் ( நெல்லை, கொங்கு, மதுரை ...) யாராவது பேசிவிட்டால்
சந்தோஷம்.

நீங்கள் படித்தது ... நானும் அங்கே தான் ...
சந்தோஷம்.

நீங்கள் மல்லு வா?
நீங்கள் தெலு ங்கா?

இப்படி சொல்லிக் கொண்டே போகலாம். ஆனால் தன் ஜாதியைக் கேட்டவன் வேற்று ஜாதிக் காரன் ஆக இருந்து விட்டால் அதுவும் கேட்டவன் உயர் வகுப்பு என்று தெரிந்து விட்டால் வருமே ஒரு கோபம்.

சான்றிதழில் போட்டுக் கொள்கிறோம், திருமணத்திற்கு பொருத்தம் பார்க்க உபயோகிக்கிறோம், உட் பிரிவு ஒன்றுக்கு சலுகைகள் அதிகம் என்று தெரிந்தால்
அதற்கு மாறிக் கொள்ள முயல்கிறோம்
எதற்கு இந்த இரட்டை நிலை? தம் உயர்வுக்கு உதவும் ஜாதிப் பெயரை துணிந்து
சொல்ல என்ன தயக்கம்? பிடிக்கவில்லை என்றால் நான்
என் அறிவை நம்புகிறேன்இந்த அடையாளம் சார்ந்து நான் இருக்க விரும்ப வில்லை.
சரி போகட்டும் என் நிலை தான் இப்படி ஆகிவிட்டது.
நான் இப்போது கல்வி கற்று விட்டேன். என் பிள்ளைகளை இதில் இருந்து விடுவிக்க விரும்புகிறேன் என்று புறப்பட்டவர்கள் எத்தனை பேர்?

ஜாதியோ, மாதமோ, ஊரோ கேட்பது என்பது - அது ஒரு பழக்கம். ஊறிப் போன பழக்கம். அவ்வளவே. இதில் வெறி ஒன்றும் இல்லை. கேட்டவனை கண்டபடி திட்டினால் அந்த வெறி நம்மிடம் தான் இருக்கிறது என்பதை நாம் புரிந்து கொள்ள வேண்டும்.

புத்தாண்டி ல் ஜாதி, இன, குல, மத, வேறுபாடுகள் முற்றிலும் ஒழியவில்லை என்றாலும் மனித அடையாளம் தெரியாத அளவு மரத்துப் போகாமல் இருக்க

அன்பே சிவமாக, சிவமே அன்பாக
வாழ்த்துக்கள்.

மறு மலர்ச்சிக்கு என்ன செய்யலாம் என்று 2008ல் பார்ப்போம்

பார்ப்பன பயம் - தொடர்ச்சி - 5

2007-12-31T10:08:00.000-08:00

'தமிழச்சி'

இந்து மதத்தை சாடூவதற்கு அது பற்றி தரக் குறைவாக எழுவதற்கு, மற்றவர்கள் கேள்வி கேட்டு விடாமல் ஆமாம் போடுவதற்கு இவர் பயன் படுத்தும் யுக்திகளில் முதன்மை வகிப்பது,
பிராமணர்களை திட்டி விட்டு, அவர்களை காரண கர்த்தா ஆக்கி விட்டு எழுத ஆரம்பிப்பது.

இவர் எழுதுகிறார்,

கோவிலுக்குச் செல்பவர்கள் எல்லாம் காமுகர்கள் என்று.

இப்படி பொதுப் ப்படையாக இந்துக்களை குற்றம் சொல்வதற்கு இவர் பிராமண எதிர்ப்பை முன் வைத்துக் கொள்கிறார்.

குடும்பத்ிற்காகவும், பிறருக்காகவும், எங்கோ கண் காணாத தொலைவில் அவதிப்படும் உயிர்களுக்காகவும் என்று எத்தனையோ காரணங்களுக்காக வேண்டிக் கொண்டு கோவில் செல்லும் உள்ளங்களைக் காண உள்ளம் என்பது வேண்டும்.

தர்மன் கண்ணுக்கு நல்லதாகத் தெரிந்த அதே உலகம் துரியோதனன் கண்ணுக்கு கெட்டதாகத் தெரியக் காரணம் துரியோதனன் மனமே என்பது அறிந்தவர்கள் தெரிந்து கூறியது.

இவர் மேலூம் கூறியதாவது,

திராவிடர்களுக்கு ஆர்யர்கள் வந்து காமம் காற்றுக் கொடுத்தார்களாம்.

பாவம் நாம் தமிழர்கள். ஒன்றும் தெரியாத பச்சை புள்ளைகள் போல் திரிந்து கொண்டிருந்தோம். நம் வம்சம் தழைக்க உதவிய ஆர்யர்கள்
அவர்களுக்கு நாம் நன்றியை தெரிவித்துக் கொள்வோம்.பின்னே தமிழ் குலம் தழைக்க உதவி இறுக்கக்கிறார்கள் அல்லவா?
யார் சொல்லியது அது, சொல்லித் தெரிவதா மன்மதக் கலை என்று? தமிழச்சி யைக் கேளுங்கள். அவர் அதாரங்களோடு(?) கூறுவார் இதெற்கெல்லாம் முன்னோடி அந்த ஆர்யர்கள்என்று.
ஆமாம், ஆர்யர்கள் தமிழகத்திற்குள் வருவதற்கு முன் இருந்த தமிழர்கள் என்ன சுயம்பு வாகத் தோன்றியவர்களா? அப்போ அவர்கள் அல்லவோ தெய்வங்கள்.

அப்புறம் அந்த குதிரை ... பிடித்துக் கொண்டு இரவு முழுதும் ...

ஏங்க குதிரை மிதிச்சிடாது?

தன் எல்லைகளை விரிவு படுத்த எதை வேண்டுமானாலும் செய்ய ஒரு அரசன் துணிவான் என்றால் குடுமி இல்லாமல் கூட ஒருவன் வந்து ஏதாவது உளறக் கூடும். அல்லது எதை எழுதினாலும் கேட்பார்கள் என்றிருந்தால் அப்படி உளறியதாகக் கூறி இப்படி யாராவது உளறாக் கூடும்.

அடுத்த முறை கொஞ்சம் logic-ஓடு சிந்தித்து எழுதவும்.

கருத்துச் சுதந்திரத்தை மதிக்கிறோம்.

காமத்தை த் தாண்டி வெளியில் வந்து பார்த்தால் மதங்கள் (எல்லா மதங்களும்) சொல்லும் நல்ல விஷயங்கள் புரியும்.

( இதையெல்லாம் எழுதவா வலைப் பதிவு தொடங்கினேன். ம்ம்...)

இன்னும் வரும்..

பார்ப்பன பயம் - தொடர்ச்சி -4

2007-12-28T13:10:00.000-08:00

இங்கே பயன்படுத்தப் படும் ஒரு யுத்தி என்ன வென்றால்,
ஆதார மில்லாத குற்றச்சாட்டை இந்து மாதத்தின் மீதோ சமூகம் அல்லது அரசியல் குறைகள் மீது வைக்கும் போதோ முதலில் பிராமணர்களை திட்டி விட்டு
எழுத ஆரம்பித்தால் கேள்வி கேட்காமல் அப்படியா!, நல்ல பதிவு என்று சொல்லிக்கொண்டு ஆதரிக்க நிறைய பேர் இருக்கிறார்கள்.

உதாரணமாக,
உ.பி மாநிலத்தில் கடுங் குளிர். மக்கள் தெருவில் கஷ்டப்படுவது பார்தது துடித்துப் போனேன் என்று சொல்லி கொண்டு அதற்கும் பார்ப்பனால் தான் எல்லாம் என்று ஒருவர் எழுதுகிறார்.
----------------------------
I left 2 comments there
1.
// Was UP ruled by only those so called Brahmins?

Pls refer:
http://en.wikipedia.org/wiki/Chief_Ministers_of_Uttar_Pradesh
Then one more info :
Mayawati is the first Dalit woman to become the Chief Minister of any of India's states.

I am not telling Wikipedia is telling.
http://en.wikipedia.org/wiki/Mayawati

Also i believe these Yadhavs, Singhs doesn't belong to so called ...
//

//

2. Raghavan Iyengar and Ramadoss Iyer,

These types of talks against Brahmins are injected in minds over years by politicians and others. It will take time to change.
Please dont get into the same frequence as those who are against.

What ever be the religion or whoever be the Learned what was told to us is
'Be polite. Be kind and be good.'

If everyone talks about violence, castism then We are losing as Indians.
//
--------------------------

சரி மற்ற மாநில மக்கள் படும் அவதி குறித்து ஒரு தமிழர் கவலைப்( கவலை மட்டும் பட்டால் எல்லாம் சரியாப் போயிடுமா?) படுவது நல்ல விஷயம் தான்.

அப்படியே கொஞ்சம் தமிழக வீதிகளும் பார்த்து விட்டு அடுத்த பதிவு போடுங்க. போடும் போது தமிழகத்தை நெடுங் காலமாக ஆண்ட து திராவிட கட்சிகள் தான் என்பதை மறந்து விடாமல் எழுதுங்க.
மக்களுக்கு நல்லது செய்ய நினைத்து செயல்பட்டிருந்தால் கிடைத்த ஆட்சி காலத்தில்ஏதாவது செய்திருக்க முடியாத?

சமீபத்தில் ஒரு படத்தில் நகைச்சுவை காட்சியாக சொல்லப் பட்ட ஒரு உண்மை என்ன் என்றால்,
ஒரு அரிவாளை செய்யவே எத்தனை ஜாதிகள் தேவைப் படுகிறது? இது புரியாமல் ...

என்று வரும். எத்தனை உண்மை.

ஒரு சிறு கூட்டமாகிய பிராமணன் என்ற ஒரு சமூகம் ஒரு நாட்டையே மாற்றி விட்டதாகச் சொல்லி மாய்ந்து போகும் அறியாமை கண்டு வியப்பும் அதிர்ச்சியும் வருகிறது. இந்தியா சிறு சிறு பகுதிகளாகப் பிரிக்கப்பட்டு ஆண்ட, செல்வமும் வீரமும் கொண்ட ஷத்ரியன், மற்றும் இன்ன பிற குலத்தை சேர்ந்தவர்கள் எல்லாம் சிறிது மூளை கூட இல்லாமல் இருந்தார்களா என்ன?

சரி போகட்டும் பழங் கதை என்றால் இப்போ ஜாதி வழக்கத்தில் எப்படி இருக்கிறது என்றால்,

ஏய் பாண்டி, விடிந்து இவ்வளவு நேரமகிப் போச்சு, இந்தக் 'கோனார்' இன்னும் வரலையே என்னனு பாரு
முகூர்த்தத்திற்கு நாள் குறிக்க வேணும். கிளம்பி போகிற வழியில் 'நாயர்' கடையில் சாயை குடித்து விட்டு
'ஐய ரை'ப் பார்த்து தேதி குறித்து விட்டு வா. வரும் வழியில் 'நாடார்' கடையில் கொஞ்சம் காய் வாங்கிட்டு, அப்படியே 'பாய்' கடையில் கறி வாங்கிட்டு வந்துடு.
போன மாசம் 'செட்டியார்' கிட்ட அடமானம் வெச்ச நகையை வேறு ம ீட்கணும்.
(இதுவே நகரப் பகுதிய இருந்தா சேட்டு என்று சொல்லப் பட்டிருக்கும்)

ஏன் அவங்களுக்கு எல்லாம் பெயர் இல்லையா?

முதலில் மாற்றங்களை வீட்டிலிருந்து தொடங்குவோம்.

இதா, அப்படியே அவங்க பேரு என்னனு விசாரிச்சு டு. அப்படியே அவங்க கடைக்கும் ஏதாவது பேரு இருக்கும் பாரு அதையும் கேட்டுக்கோ.

மேலும் வரும்...